രണ്ട് മൂന്ന് തലമുറകളിലേക്ക് തിരിഞ്ഞുനോക്കിയാൽ, നമ്മുടെ കുടുംബങ്ങളിൽ മന്ത്ര ജപം / സാധന എന്ന പാരമ്പര്യം ഉണ്ടായിരുന്നു. ഇത് ചെയ്തത് സന്യാസിമാർ അല്ല, നമ്മുടെ തന്നെ പൂർവ കുടുംബാംഗങ്ങൾ ആയിരുന്നു. മറ്റൊരു വിധത്തിൽ പറഞ്ഞാൽ, ഗൃഹസ്ഥരായ വ്യക്തികൾ തന്നെയാണ് ഇത് നയിച്ച് വന്നിരുന്നത്. സാധനയും തപസും കാരണം നമ്മുടെ പൂർവ്വികർ സമാധാനപരമായ ജീവിതം നയിച്ചു.

പക്ഷെ , പ്രത്യക്ഷത്തിൽ, നമുക്ക് പല തരത്തിലുള്ള ജപം അല്ലെങ്കിൽ സാധന സംസ്കാരം നഷ്ടപ്പെട്ടു പോകുന്ന ഒരു സ്ഥിതി വിശേഷം ഉണ്ടായി. ഭാരതത്തിലെ ഓരോ കുടുംബത്തിനും ഒരു കുല ദേവത (കുടുംബദേവത) ഉണ്ട്, കേരളത്തിൽ 95% കുടുംബങ്ങൾക്കും അത് ഭദ്ര കാളിയാണ്. കുല ദേവതകൾ മുഴുവൻ കുടുംബത്തെയും ബുദ്ധിമുട്ടുകളിൽ നിന്നും വെല്ലുവിളികളിൽ നിന്നും സംരക്ഷിക്കുന്നു. എന്നാൽ ഇപ്പോൾ, നമ്മുടെ കുലദേവതയെക്കുറിച്ച് നമ്മളിൽ പലർക്കും അറിയില്ല. അറിയുന്ന ചുരുക്കം ചിലരിൽ, നമ്മുടെ കുലദേവതയെ എന്തിന്, എങ്ങനെ ആരാധിക്കണമെന്ന് പലർക്കും അറിയില്ല എന്നൊരു സ്ഥിതി വന്നു.

ഗണപതി ഹോമവും ഭഗവതി സേവയും എല്ലാ വീട്ടിലും എല്ലാ കുടുംബാംഗങ്ങളുടെയും മൊത്തത്തിലുള്ള പ്രയോജനത്തിനായി അനുവർത്തിച്ചു പോന്നിരുന്നു . എല്ലാ വീടുകളിലും ഇത് കുടുംബനാഥൻ തന്നെയായിരുന്നു ഇത് നിർവഹിച്ചി രുന്നത് . അല്ലാതെ വേറെ ജാതിയിലോ മതത്തിലോ ഉള്ള പുറത്തുനിന്നുള്ള ഒരാളായിരുന്നില്ല .
എന്നാൽ കാലക്രമേണ, പാശ്ചാത്യ ചിന്തകളുടെ സ്വാധീനം കാരണം , നമുക്ക് ഈ സംസ്കാരം നഷ്ടപ്പെട്ടു,
നമ്മ ൾക്ക് വേണ്ടി പൂജകളും മറ്റ് ആചാരങ്ങളും നടത്താൻ നാം വേറെ ആരെയെങ്കിലും നിയമിക്കാൻ നിർബന്ധിതരായി തീർന്നു . അങ്ങിനെ നമ്മുടെ അടിസ്ഥാന സംസ്കാരം നമ്മുടെ കൈയിൽ നിന്ന് പോകാൻ ഞങ്ങൾ അനുവദിച്ചു.

ഇതെല്ലാം മുറുകെപ്പിടിക്കാനും , വീണ്ടും നമ്മുടെ സമൂഹത്തിനെ നല്ല വഴിയിലേക്ക് കൊണ്ട് വരാനുമുള്ള ശ്രമമാണ് ശ്രേഷ്ഠാചാര സഭ യുടെ ഉദ്ദേശം… എല്ലാവര്ക്കും സ്വാഗതം …